BUHAY KO, SHARE KO...OK LANG?

"pag may nangyari kay Jorge, alam n'yo na po kung sino ang pwedeng hagilapin"

2009-10-08T20:03:00.001-07:00

Dice Lumauig Martires October 3 at 11:33pm Report

bobo mo! tang ina wag ka magpauso ng report kung wala ka mareport! wag ka gumawa ng pangalan sa maling paraan! wag mo sanang mranasan mga nangyari samin pagdating ng araw. sana nakita mo yung kapatid ko na babae na bumaba para makasakay yung senior citizin na sinasabi mo. mararanasan din yan ng mga nak mo! kupal ka! mga apo lang kasama hindi pamilya! tang ina ka! sinisira mo pangalan namin pati dignidad ng vice mayor ng pasig! you shoud have done more research bago ka magreport.

from a certain Von Tan Gan: Von Tan Gana October 2 at 12:04am Report

TANG INA MO JORGE CARINO NG TV PATROL ABS CBN! KUNG WALA KANG MAIBALITA HUWAG KANG MAG IMBENTO NG STORYA AT IKALALAOS MO YAN. PRACTICE RESPONSIBLE JOURNALISM. HAYOP KA SANA MAKARATING SAYO ITONG MESSAGE NATO.! HINDI KITA TITIGILAN! MAG ARAL KA MUBUTI... KUNG PAANO MAGREPORT HA? HNDI PADALOS DALOS. KUNG MAY PROBLEMA KA TAWAGAN MO KO 09178842335. SA AKING MGA KAIBIGAN IKALAT NYO ITONG MENSAHE KO.

Mandel Martires http://www.facebook.com/taga.ilog JORGE CARINO of ABS CBN FALSE field report SEPT 28 2009 1. Vice Mayor of Pasig PRIORITIZED the RESCUE of his family 2. Vice Mayor of Pasig asked SENIOR CITIZENS to STEP OUT OF RUBBER BOATS to giveway to his family. FACT AND WHAT REALLY HAPPENED: 1. Family of Vice was stranded 3 days 2 nights while Vice was stranded in Brgy Sta Lucia 2. Vice Mayor got home Monday morning to check house AS A FATHER would do, but left right away to visit other affected areas, while his family got left behind to clean the house  3. Vice only picked up grandchildren ages 6, 5 & 2 years old AND NEVER asked the senior citizens to get out of the boat, you asshole!!

PACMAN VS. CASTILLEJO VS. ABS-CBN

2009-03-27T08:02:00.000-07:00

NAKAKAPIKON...hindi ko maintindihan kung ano'ng problema ni Pacquiao! Hindi ko s'ya iniinsulto o ino-okray. Ang akin lang, sana bago s'ya gumawa ng kahit ano'ng move o magsalita ng kahit ano'ng desisyon n'ya, eh nag-iisp muna s'ya, (sorry to say this-yun eh kung me isip nga s'ya). I'm sorry, Idol ko s'ya dahil hindi naman talaga matatawaran ang galing n'ya sa boxing pero SUSME NAMAN!!!! Eh kung totoo man 'yung sinasabi n'yang Si Dyan Castillejo ang nag-alok sa kanya na bumalik sa ABS, bakit s'ya pumayag samantalang alam n'ya pala na may contract pa s'ya sa ibang network! TA_ _ _!!!! At take note, nagpa-video pa s'ya! Haller!!! NAIIRITA LANG TALAGA AKO! Una, bakit biglang ang Abs at si Dyan ang napapasama sa ka-engotan ng boksingero'ng ito? Eh hindi ba't kahit hindi na Abs ang nagko-cover ng mga laban n'ya, eh hindi s'ya iniwan at pinabayaan ng Dos? Lalo na ni Dyan Castillejo!!!! OH MY GOD, MR PACMAN! Lahat ng pangyayari sa buhay mo ay malinis, maganda at patas na ginagawan ni Dyan ng story kahit saang sulok ka man nang mundo naroroon at ine-ere naman ng Dos. Eh bakit biglang may mga ganito? Aminin natin, kung hindi ka naman ginagawan ng istorya ni Dyan at ng Dos, sa tingin mo kaya sisikat ka nang bongga'ng-bongga?! 'Dong, hindi...magaling ka'ng boksingero, wala nang kwestyon don pero bali-baligtarin mo man ang mundo, NAPAKALAKI NANG NAITULONG NI DYAN CASTILLEJO AT NANG ABS-CBN SA 'YO!

PANGALAWA, gusto ko lang manawagan sa Abs-Cbn...YES, INAAMIN KO, KAPAMILYA AKO! O EH ANO NAMAN NGAYON?! Kaya nga ako nagre-reak ng ganito noh?.. Siguro naman sa kabila nang pinapakita ng network na kabutihan at pakikisama sa boksingero'ng ito, eh nagagawa pa n'yang bastusin ang dignidad ng istasyon, baka naman mas makabubuti kung HUWAG NA LANG S'YANG I-COVER AT PAGTUUNAN NG PANSIN! Tutal naman sa pagkakaintindi ko sa mga statement n'ya eh parang napilitan lang s'yang sabihin na balik-kapamilya s'ya, ABA NAMAN, EH HUWAG NA RIN NINYONG PILITING BUMALIK PA S'YA!HINDI S'YA KAWALAN! HINDI S'YA SI PIOLO, JOHN LLOYD, JERICHO at idagdag pa lahat ng BIG STARS NG ABS-CBN! Nabuo nga nang super ganda ang GALAW-GAWAL STATION ID without that engot eh...hmmmmmp! KAPAMILYA, HUWAG NANG MAGPAGAMIT!

NAKAKAAWA RIN S'YA...kasi nagpapagamit siguro s'ya sa mga tao'ng kumikita sa kanya.Alam ko gusto lang maging fair ng network pero huwag naman sanang umabot pa sa ganito na ang ABS pa ang masama.

HAY NAKU...BRO, KAYO NA PO ANG BAHALA SA KANILA...HINDI PO SIGURO NILA ALAM ANG GINAGAWA NILA...

PAHABOL .... kahit naiinis ako kay PACMAN, GO GO GO pa rin sa darating mo'ng laban ha? hehehehe... SANA MA-KNOCK-OUT MO SI HATTON...sabay gano'n noh? wala namang personalan kasi... hahaha

BIRTHDAY KO NA!!!!

2009-03-12T07:24:00.000-07:00

haaaaaay!!! bday ko naaaa!!! whooohooo!!! ... i'm already 38 pero mukha pa ring 28...wahahahaha!! ... i am so happy, grabe!...nandyan lagi sa tabi ko si jorge at ang mga makukulit ko'ng anak na si pao at denise...sila ang dahilan kung bakit ako nagpupursigi sa buhay at halos 'di ko na iniintindi ang pagod sa pagta-trabaho...sila ang buhay ko...lahat ng pagsisikap at pagsasakripisyo ko ay para sa kanila...kaya tatlo lang ang hiling ko sa Panginoon - malusog na pangangatawan, mas maraming trabaho at mas mahaba pa'ng buhay...'yun bang tipong sapat lang para mapagsilbihan ko pa ang pamilya ko, syempre kasama na ro'n ang mommy ko na iniwan na sa amin ng daddy ko...ah basta, sobrang thankful ako kay Bro sa lahat ng nangyayari sa buhay ko, mapabuti man o mapasama...dahil sa mga pangyayaring 'yun nananatili ako'ng matatag at masayang namumuhay sa mundo'ng ito...SALAMAT BRO...MAHAL NA MAHAL KITA...

lonely ... proud ... summer!!!

2009-03-05T15:44:00.000-08:00

haaaayyyy ... lonely na naman ako. jorge will be in bacolod for 5 days. well, schooling naman kaya okay lang. para sa kanya rin naman 'yon kaya go go go!
but can't wait to see my overloaded pamangkins sa zambales.will visit them tonight and maglalangoy kami maghapon ng saturday! whew! i'm really proud of these 3 girls. kahit wala na ang papa nila, nagawa pa rin nilang maging maayos ang pag-aaral nila. Karen (eldest) passed the scholarship exam kaya siguradong tuloy-tuloy na ang high school n'ya.Mai (2nd, my inaanak) will be graduating from elementary this 30th of mar and Maro (youngest, carbon copy of her papa) will also be graduating from pre-school and with honors pareho! ang taraaaaay!!! sana magdire-diretso ang sipag nila sa pag-aaral para kahit wala na ang papa nila, magiging maayos at matagumpay pa rin ang mga buhay nila. so loooove these kids kasi iba talaga ang ugali ng mga bata pag laking probinsya. hindi ko ma-explain ng bonggang-bongga pero may pagkakaiba talaga lalo na sa kilos at pananalita (well, syempre bukod sa regional accent, hehehe). ramdam mo yung respeto nila sa matatanda!
ZAMBALES BEACH, HERE WE COME!!!!!!!!!!! ... (mala-Dora) buhangin ... dagat ... SUMMER!

ANG MA-REKLAMO ... BOW!

2009-02-23T20:35:00.000-08:00

hindi ko alam kung masasaktan ako o tatanggapin ko ito ng maluwag sa dibdib ko. pero pwede namang pareho,bakit? una, normal na masaktan ako dahil tao lang ako. pangalawa, tatanggapin ko ito dahil alam ko'ng makabubuti ito sa pag-usad ng buhay ko bilang tao.
isang matagal nang kaibigan ang naglakas-loob na kausapin ako dahil daw may mga tao'ng hindi nakakaunawa at 'di lubos na nakakakilala sa akin.may mga tao raw kasi na naka-paligid sa amin ang hindi natutuwa dahil daw masyado ako'ng ma-reklamo...ang akin lang ay ito, hindi naman siguro ako magre-reklamo kung alam ko'ng tama ang mga nangyayari sa paligid.hindi ako magre-reklamo kung wala naman ako'ng nakikitang mali sa mga sitwasyong kinakaharap ng grupo namin.OO, alam ko naman yung "count your blessings", imposible ko'ng makalimutan 'yun, dahil sa araw-araw na ginawa ng Diyos, 'yan naman talaga ang nasa isip ko. hindi ko lang siguro talaga kayang pigilan ang bugso ng damdamin ko pag alam ko'ng may na-a-agrabyado na lalo na't mga kasamahan ko mismo sa trabaho at sa grupo'ng sinalihan ko.'ika nga nito'ng kaibigan ko, kilala n'ya ako pero hindi lahat ng tao ay gano'n ang pagkakakilala sa akin kaya hindi nila ako laging maiintindihan.WTF! wala ako'ng pakialam sa kanila.ang akin lang, kung nasasaktan sila o nagre-reak sila sa mga reklamo ko, ibig sabihin, totoo lahat ng sinasabi ko at tagos sa mga buto nila 'yun.
pero ayos lang 'yun, tulad nga ng sinabi ko, tatanggapin ko 'yun dahil baka nga naman sa sobrang ka-"malditahan" ko, hindi na ako nakakapag-preno.pero sana din, huwag ako'ng pigilan ng mga taong makikitid ang utak sa mga gusto ko'ng sabihin at gawin para matauhan sila.hindi nila pwede'ng baguhin ang pagkatao ko dahil lang sa pansarili nilang interes.hangga't may nakikita ako'ng mali, hangga't merong agrabyado, walang pwedeng magpahinto sa mga reklamo'ng bibitiwan ko.kung hindi na nila ako kaya,padalhan nila ako ng memo at madali ako'ng kausap...kung ano'ng solusyon ang gusto nila, sige, gagawin ko pero hindi nila dapat saklawan kung ano'ng tunay na nararamdaman ko.
salamat sa kaibigan ko'ng ito na naglakas-loob na kausapin ako pero patawarin mo ako dahil hindi ko agad mababago ang sinasabi nilang pagiging "reklamador" ko...siguro, unti-unti ko'ng pag-aaralan ang pakiusap mo sa akin, kaibigan.pipilitin ko'ng magpigil, huwag lang sana ako'ng atakihin sa puso sa sobrang pagpipigil, hehehehe...
at sa mga nagpapalaki pa ng issue at kung ano-ano pa ang kinu-kwento sa kaibigan ko, eh manahimik na.hindi ka/kayo nakakatulong.huwag ka/kayong magpapansin at sumipsip.
'YUN LANG...ANG MA-REKLAMO, BOW!"

PASASALAMAT, PAG-IISIP, HIGIT SA LAHAT...ANG PASSWORD!

2009-02-17T06:39:00.000-08:00

Haaaay life! 'Been so long since i last posted, hehehe. Hirap ng nagiging "seasoned", nakakalimot sa password! hahaha. Anyway, I'm so happy because I know God is with me all the time. After one project, heto na naman ang isa, tapos may overlap sandali, then tapos ulit, then meron ulit. Ang sarap ng feeling..nakaka-stress, nakaka-pressure pero tanggal lahat 'yan dahil alam ko'ng blessings lahat 'yon from God. HE knows I need these projects dahil sa mga taong tinutulungan ko at tumutulong din sa akin. Ang mga taong ito ang nagtuturo sa akin para mas tumibay ang faith ko kay Lord,sila ang nagtuturo sa akin kung pa'no ko tatanggapin at lalampasan lahat ng trials at hirap na hinaharap at haharapin ko pa.Thank you sa inyong lahat! God is Almighty!
I feel so blessed din kasi habang tumatagal, mas nararamdaman ko ang love ng mga anak ko at asawa ko. I dunno, dati kasi lagi ako'ng nag-e-emote kung talaga bang na--a-appreciate nila lahat ng ginagawa ko para sa kanila, ang love na binibigay ko sa kanila, lahat ng sacrifices ko para sa kanila...pero naisip ko na dapat nga pala pag nagmahal ka ng bongga'ng-bongga, dapat wala kang hihintaying kapalit. So, ayun, napagmuni-muni ko na tama ang ganong pananaw para mamuhay ka ng may peace of mind. God is Love!
At ngayong, tanda ko na ang password ko, siguro naman mas magiging madalas na ako'ng magpo-post, hihihihi.
Till next ...

sama ng loob...saya...more blessings...

2008-12-22T09:39:00.000-08:00

sama ng loob - nakakasama ng loob dahil sa loob ng ilang buwan ko'ng binuno na bayaran ng hulugan ang cellphone ng mommy ko, kanina ko lang nalaman na naka-block pala sa cell n'ya ang mga message na manggagaling sa number ko...kapikon!...kaya pala kami nagkakaro'n ng miscommunication kasi nga may tao o mga tao na nakialam sa cell n'ya...ito yung tao/o mga tao na alam ko'ng sinasamantala ang kahinaan at kabaitan ng mommy ko para tuluyan na nilang magamit ang mommy ko...well, GOD BLESS HIM/ HER - THEM...confirmed-kaya ako pinagpapala kasi hindi ko kayang gawin ito sa kapwa ko lalo na kung sarili ko pang kapatid/mga kapatid...haaaay...

saya - grabe! ang saya-saya ng xmas party ng lapat-tinig!!! ... minsan ko na namang napatunayan sa sarili ko, sa mga kaibigan ko at sa mga ka-lapat ko na MAGALING PA RIN AKO'NG SUMAYAW!!wahahahaahahhahaaaaa!!!...MERRY XMAS MGA KA-LAPAT!

more blessings - i thank the LORD dahil i know na pagpasok ng year 2009, mas marami pa akong blessings na matatanggap...very positive ang feeling ko dito, sobra!!!...babawi ako next year, hehehe... i'm so happy sa magandang feedback ng tagalog-dubbed na Dora, the explorer at ang pinakabagong magulo, masaya, maingay at nakakaloka'ng anime na Azumanga Daioh, na parehong naka-ere sa TV 5! ... i love it...shake-shake lang tayo dyan! hehehehe...

at syempre pa, happy ako sa family ko...habang tumatagal at araw-araw lalong napapamahal sa akin ang mga anak ko at asawa ko...napapasama man nila ang loob ko kung minsan sa mga pagkakamali nila, wala pa rin ako'ng karapatang magtanim ng galit sa kanila dahil alam ko naman na sa kabila din ng mga pagkakamali at kakulangan ko bilang tao, ina at asawa, mahal na mahal pa rin nila ako...I ALWAYS THANK THE GOOD LORD FOR GIVING ME A LOVING FAMILY...MAWALA NA ANG LAHAT, HUWAG LANG ANG MAG-AAMA KO...

till next post...

THANK GOD!

2008-12-10T01:15:00.000-08:00

Thank God! My mom's cataract removal operation's done! She just have to, of course, rest for a couple of months...

Thank God! I have a new abs-cbn anime project! We already dubbed 2 episodes yesterday. We're just waiting for our next dubbing schedule.

Thank God, again, for another anime project! This time it's for TV5 again...We enjoyed our first day dubbing because the material is so funny and wacky!

GOD IS GOOD...GOD IS GREAT...GOD IS ALMIGHTY!

*count your blessings*

daisy ... dora ... happiness!

2008-11-19T15:04:00.000-08:00

Wow! Ang tagal ko'ng hindi nakapag-share...Masyado kasing nakatali ang oras ko sa pagsusulat at pagsu-supervise ng Dora dubbing...Madugo, mahirap, matagal, masaya, malungkot, ah basta, halo-halo'ng emosyon ang project na ito...pero at the end of the day, HAPPY ako kasi bukod sa masayang kasama ang mga dubbers ko, sa totoo lang, ang dami ko'ng natututunan sa project na 'to. Mga basic Spanish terms translated into English and Filipino...ang saya! hehehehe...Kapag gumagaa ako ng script at nalalaman ko ang mga translation at meaning ng mga salitang bago sa pandinig ko, wala ako'ng nasasambit kundi ... "I'M LEARNING, I'M LEARNING!!" ... At pag natapos ko ang script, nakangiti ako kahit na masakit ang lower back, balikat, batok at mata ko, hahahaha!

'Yan na muna, resume na muna ulit sa script ... DAISY ... DORA ... HAPPINESS!!!

Go na go na!!!

2008-10-13T17:45:00.000-07:00

Whew! This is it! Tuloy na tuloy na ang first dubbing day ng new project! Blessings, blessings and moooooorrrreee blessingssssss... I'm so excited kasi may mga dubbers akong first time ko'ng maidi-direk like nica,aya and mitchiko...good luck sa kanila, hahahaha!!!
I'm praying na sana maging smooth ang buong araw namin para naman hindi rin nakakahiya sa mga taga-Nick especially kay Red, na bibisita mamaya, hehehe...
All for the best! ... VAMONOS!

MISSING DADDY ...

2008-10-13T12:30:00.000-07:00

Maganda AKO buong araw! hehehe...gusto ko lang i-share yung nangyari kahapon na hanggang ngayon, hindi pa rin namin makalimutan, especially my Mom. Yesterday, we went to SM City...pasyal-pasyal, bili ng mga kailangan ng mga bata...Si Jorge, Paolo, Denise, pamangkin kong si Paula at ang Mommy Norms (nanay ko). Nagyaya ang Mommy sa isang religious store kaya sinamahan ko s'ya sa St. Paul's. So, ayun, hinanap n'ya yung prayer book na kailangan n'ya. Sabi ko, bili na rin s'ya nung bracelet-rosary na may birthstone n'ya. Nung nagbabayad ako sa cashier, biglang naglikot ang mata ko sa paligid...at dahil sa paglilikot ng mga mata ko, natanaw ko 'yung isang poster na likha ng isang napakahusay na artist na si Joey Velasco...Buhay na buhay ang itsura nung poster... Si Kristo na may yakap at inaalalayang isang napakapayat na matandang lalake na mababakas mo'ng malubha ang sakit pero pilit s'yang inaalalayan ni Kristo at makikitang mahigpit ang yakap nang payat na lalake'ng ito ...

Tinuro ko sa Mommy ko, kay Jorge at sa mga bata ang poster na 'yun...Iisa lang ang nasambit namin ... "kamukhang-kamukha nang Daddy Ross yung lalake" ... Hindi ko naiwasan, biglang nag-flashback sa akin lahat nang mga nangyari noong isang taon bago tuluyang magpaalam at magpahinga ang tatay ko ... 'Yung araw na sinundo ko sila ng Mommy sa bahay nila para itakbo na s'ya sa ospital kasi hirap nang dumumi at hirap sa paghinga...naratay nang ilang araw sa ospital dahil may nakitang bukol sa kanyang bituka...hanggang sa inuwi ko s'yang maayos na ang pakiramdam at nakakalakad na...makalipas ang ilang araw, sinundo ko ulit para sa follow-up check-up, take note, nakakalakad s'ya at nakaakyat pa sa hagdan papunta sa clinic ng doktor n'ya...makalipas ang ilang araw, tumawag ang Mommy sa akin at sabi, "'Yet, puntahan mo na si Daddy, hindi na nakakatayo at sobrang bagsak na ang katawan" ...syempre nagulat ako dahil nung huli naming pagkikita, maayos na s'ya pero bakit ganon ang mensahe ng Mommy sa akin? Hindi ako agad nakapunta kasi me hinahabol akong deadline ng script pero dahil hindi rin ako mapakali, kinabukasan, tutal weekend na, niyaya ko ang mag-aama ko na puntahan ang Daddy...pagpasok ko sa bahay nila, walang kahit sino ang sumalubong sa aming mag-anak...tahimik ang buong bahay at madilim, kasi nga matagal nang putol ang kuryente nila dahil na rin sa kakapusan nang pambayad...dumiretso ako sa kwarto nila at halos bumuwal ako sa panginginig nang tuhod dahil sa nakita ko...ang Daddy ko, nakahiga sa kama, payat na payat, lalong umitim samantalang hindi 'yun ang tunay 'yang kulay, may nakadantay na unan sa hita, tulog na tulog pero nilalangaw dahil sa sobrang init sa kwarto.Napatingin ako kay Jorge at napansin kong hindi rin makakibo ang mga anak ko sa nakita nilang itsura ng Daddy Ross nila. Nagpigil ako ng iyak kahit halos sumabog ang dibdib ko sa hindi ko malamang dahilan. Dumating ang Mommy, galing pala sa simbahan para kausapin ang Pari na magpapahid ng Santo Oleo (tama ba ako?) at gusto rin daw palang mangumpisal ng Daddy ko...Hindi ako makapagsalita kasi siguradong mababasag ang boses ko at ayokong mahalata ng Mommy ko ang emosyon ko. Ginising ng Mommy ang Daddy at nung marinig ang boses naming mag-iina, dinilat n'ya ang mata n'ya at pilit n'yang inabot ang kamay ko na nakaupo nung mga oras na 'yun sa tabi n'ya.Buti na lang artista ako at nagawa kong pigilan ang matinding emosyon na gusto nang sumambulat nang mga oras na 'yun, hehehe...Sabi ko sa kanya, tumayo na s'ya para makakain at makainom ng gamot. Lalo akong nanlambot nung makita ko kung paano s'ya itayo nang Mommy ko...as in hindi na n'ya kayang umusad mag-isa,pati paggalaw ng kamay at paa ay ginagawa na lang ng Mommy ko para sa kanya. Tumulong ako pero sobrang bigat n'ya kahit na buto't balat na sya...Tama, literal na buto't balat!...Maraming nangyari nang mga sandaling yun at hindi ko na iisa-iisahin dahil bumibigat na naman ang dibdib ko. Nagpaalam na kami sa kanila na uuwi na, dahil me tatapusin pa ako'ng script...tango lang ng tango ang Daddy sa mga bilin ko sa kanya kasi hindi na rin nya magawang magsalita dahil halatang umurong na ang dila n'ya.

Pagsakay ko sa kotse, hindi ko na napigilan ang sarili ko...tuloy-tuloy ang tulo nang luha ko pero hindi pa rin ako makagpagsalita....

Nung makita ko ang poster, nangilabot ako...Naisip ko, gano'n kamahal nang Panginoon ang Daddy ko. Pinatawad n'ya at tinanggap n'ya nang buong-buo ang Daddy nung mangumpisal s'ya bago s'ya pumanaw, sa kabila nang mga pagkakamali at pagkukulang n'ya habang narito sa s'ya lupa...at naisip ko rin na parang nire-represent ni Kristo ang Mommy namin na kahit sigawan s'ya ng Daddy,murahin at laging pinapagalitan, hindi nya iniwan ang Daddy ko hanggang sa huling hininga n'ya...Niyakap n'ya lahat nang pagkukulang at pagkakamali ng tatay namin sa kanya. 'Yun ang tunay na pagmamahal...Hay, hanggang ngayon, hindi pa rin maalis sa akin ang maluha kapag naaalala ko ang mga sandaling nakikipaglaban ang Daddy sa sakit n'ya...at habang ginagawa ko ang post na ito...hayun ang Mommy ko sa tabi ng urn ng Daddy...walang kibo, hawak ang rosaryo at nakatingin lang sa isang sulok nang bahay ko...Naaawa ako sa kanya pero mas humahanga ako dahil sa pagiging matatag n'ya sa kabila nang pangungulila n'ya sa asawa n'ya...

Kaya ang dalangin ko sa Panginoon, bigyan N'ya pa ng lakas ang Mommy para harapin ang lahat nang mga misyon n'ya pa dito sa lupa...Napakabuting tao ni Mommy Norms kaya nandito pa s'ya sa lupa para tuluyang gumabay at magmahal sa aming pamilya n'ya at sa kapwa n'ya...

At kay Daddy Ross, saan ka man naroroon ngayon, MAHAL NA MAHAL KA NAMIN AT MISS NA MISS KA NA NAMIN...Dalangin namin at sigurado kaming natagpuan mo na ang katahimikan at walang hanggang pagmamahal mula sa Poong Maykapal!

"LOOK AT THE BRIGHTER SIDE"

2008-10-11T19:50:00.000-07:00

What a tiring sunday! Ang aga ko'ng napagod, hehehe .. I'm not feeling well...siguro ngayon lang dumagsa lahat sa katawan ko 'yung stress 2 weeks ago...parang aftershock! hahaha!

Hindi naging maganda ang umaga ko kahapon. Paano ba naman kasi...ang aga ko'ng gumising, mga 6:30am, para mag-edit (ulit) at mag-print ng script nang bigla ako'ng nakatanggap ng tawag. Hindi raw muna matutuloy ang unang araw ng dubbing nang isang proyekto na napakatagal naming hinintay! Nung una, uminit talaga ang ulo ko dahil sa lahat nang ayoko ay yung naka-set na lahat para sa trabaho tapos biglang hindi pala matutuloy. Ang hindi pa nakakatuwa, past 9am 'yung tawag! Sa mga oras na 'yan, sigurado ako na ang mga dubber ko na naka-schedule ng 10am ay nasa biyahe na papunta sa studio dahil kilala ako ng mga dubber na ito na istrikto sa oras! At isa pa,manggagaling yung isa sa Antipolo at San Jose Del Monte, Bulacan naman yung isa...Nakakaloka di ba! Tama ang hinala ko, pagtawag ko sa mga dubber na ito, nasa studio na 'yung isa at nasa QC area na rin 'yung isa. Paliwanag dito, paliwanag doon ang ginawa ko at talagang halos matunaw ako sa hiya sa kanila dahil nasayang ko ang oras, pinamasahe o pinang-gas nila dahil pauuwiin ko rin pala sila.Humingi ako ng pasensya sa kanila at mabuti na lang sanay na rin sila sa mga ganitong hindi sinasadyang pangyayari sa industriya.Hayun, ang ending umuwi 'yung taga-Bulacan...pero yung taga-Antipolo? ... May nangyari din namang maganda sa kanya, hehehe....

Dito pumapasok yung reply nung isang dubber ko pagkatapos ko silang i-text na 'di tuloy ang dubbing..."LOOK AT THE BRIGHTER SIDE", ika nga... Naisip ko kasi, tutal nandon na rin lang 'yung dubber ko na babae...sabi ko sa kanya, "Naku, mare para naman hindi masayang ang punta mo d'yan, maghintay ka na lang ng 12nn!Kasi may pa-audition ang isang bago'ng-bago at sariwa(?)'ng dubbing director para sa isa pang bagong proyekto rin!!!" ... Natuwa naman ang dubber na ito kaya hayun, pati mga anak n'ya pinag-audition n'ya kasi pambata 'yung materyal.Hahahaahahahaha!!!

Hindi ko rin sinayang ang oras ko sa inis, nag-desisyon kaming mag-asawa na dalawin na lang ang in-laws ko sa Bulacan. Naku, tuwang-tuwa ang mga biyenan ko nang tawagan namin sila na magkita kami dun sa isang mura pero napakasarap na restoran malapit sa bahay nila. Masayang huntahan (kwentuhan 'yan sa salita nila), nakakaaliw na palitan ng kuro-kuro sa mga bagay-bagay at masarap na pagkain... 'yan ang naging kapalit nang inis ko nung umaga...kasi muli ko'ng nakita ang isang pamilya na hindi nagsasawang sumuporta at magmahal sa akin at tinuring akong tunay na anak at kapamilya mula nang ikasal kami ng anak nila...Kung may mga tao ako'ng dapat na ipagmalaki, mahalin at i-respeto, syempre bukod sa mga tunay ko'ng mapagmahal na magulang na sina Mommy Norms at ang pumanaw nang si Daddy Ross (na nami-miss ko rin lately), 'yun ay walang iba kundi ang mga magulang ng asawa ko'ng sina Mommy Lou at Daddy Ogie! Simula nang mahalin ko si Jorge, minahal ko na rin ang dalawang tao na ito. Napakabuti nila sa akin at sa pamilya ko. Hindi nila ako iniwan sa lahat ng laban sa buhay ko at sa buhay naming mag-asawa.

'Yan na muna sa ngayon...Kailangan ko na ulit harapin ang pagsusulat ng script para sa dubbing...kahit medyo masakit ang likod ko, hehehe...at para sa araw na ito, "LOOK AT THE BRIGHTER SIDE" ang mga katagang ilalagay ko sa puso at isip ko para naman maging productive ako sa mga darating pang araw!

AT LAST!!!! ... SA WAKAS!!!

2008-10-10T06:03:00.000-07:00

At last nakagawa na ako ng blog ko!!! Simula ngayon hangga't may oras at pagkakataon, pipilitin kong makapag-post dito..I LOOOOVE IIITT!!!

Ang totoo n'yan, super-mega-excited na ako dahil bukas na ang simula ng dubbing ng Dora the Explorer! Sa kabila nang napakaraming pinagdaanang problema, paghihirap at pagod mula sa pagta-translate ng script hanggang sa pagpapa-audition ng mga dubber na lalapat ang tinig sa bawat karakter, heto na...magsisimula na!

Whew! Nang mabasa ko ang email kaninang umaga, isa lang ang nasambit ko...THANK YOU, LORD!!!

'Yan muna sa ngayon..till next...